Allir bera sömu ábyrgð í samfélaginu!

Allir bera sömu ábyrgð í samfélaginu. Þó svo einstaklingur fái meira í laun en annar á hann ekki að borga hærri prósentu í skatt. Það ætti frekar að hækka persónuafsláttinn til þess að þeir lægst launuðu fái meira fyrir sín laun. Einnig að hækka bara almennt skatta, þannig allir beri sömu ábyrð í samfélaginu.
mbl.is 3% skattur á 500 þúsund
Tilkynna um óviðeigandi tengingu við frétt

Má ég skila peningum sem ég stel ef það kemst upp um mig?

Alveg furðulegt að það eigi ekki að gefa út ákæru í þessu máli. Þetta er augljóst lögbrot og einhver á að bera ábyrgð á því. Þetta sýnir að spillingin er gífurleg innan íslenskrar stjórnsýslu. Það er auðvelt að kalla þetta mistök þegar upp kemst um glæpinn. Ég hvet ákæruvaldið að gefa út ákæru í þessu máli. Sjálfstæðisflokkurinn er búinn að tala svo oft um að leggja öll spilin á borðið. Núna á flokkurinn að taka ábyrgð og gefa upp hver þáði þetta fyrir hönd flokksins.
mbl.is Skilar framlagi Neyðarlínunnar
Tilkynna um óviðeigandi tengingu við frétt

Gott að geta lánað sjálfum sér

Það væri rosalega þægilegt að getað bara lánað sjálfum sér hundruðu milljóna þegar manni hentaði.
mbl.is Eigendur virðast hafa fengið há lán
Tilkynna um óviðeigandi tengingu við frétt

Hvernig væri að skoða fyrst og tala svo?

Hvernig væri það að byrja að semja og sá hvað við fengjum úr því að ganga í ESB áður en við tökum afstöðu um að ganga í það. Er svona erfitt bara að kíkja og spyrja? Herra ESB? hvað fær íslenska þjóðin ef við gengjum í Evrópusambandið? Þetta er ekki erfitt.

Við vorum tilbúinn að eyða fúlgum fjár að sækja um í öryggisráð sameinuðu þjóðanna, en við erum ekki tilbúinn að setja sama púður í athugun á ESB?

Í staðinn þá hlustum við á fjölmiðla sí og æ endurtaka sömu lummurnar. Við missum allan fiskinn í sjónum!, er haft eftir formanni LÍÚ. Við missum fullveldið, er haft eftir Pétri Blöndal. Hvernig væri að athuga hvort þetta sé rétt? Þá er alltaf reddað einhverri skrifstofublók hjá ESB sem staðfestir að formaður LÍÚ og Pétur Blöndal hafi rétt fyrir sér. Hvernig væri að reyna semja? Í staðinn fyrir að alhæfa.


mbl.is Ný ríkisstjórn um ESB
Tilkynna um óviðeigandi tengingu við frétt

Til hamingju!

Ég verð bara að óska honum Kristni innilega til hamingju með þetta. Loksins er vonandi kominn réttur fulltrúi okkar inn í VR. Mér fannst alltaf Gunnar Páll haga sér eins og hann ætti þetta stéttarfélag og má þá nefna 8 milljóna bílakaup hans. Hvað var hann að spá? Vera formaður verkalýðsfélags sem meðaltekjur félagsmanna er um 300.000 á mánuði og kaupa bíl fyrir 8.000.000. Ég vona innilega að Kristinn standi undir væntingum mínum og stöðvi bruðlið og einbeiti sér að því sem er mikilvæg, að félagsmönnum VR.


mbl.is Kaupþingsmálið vó þungt
Tilkynna um óviðeigandi tengingu við frétt

Eigum við þá ekki hætta að borga þér Þorgerður?

Ég verð að segja að rökstuðningur Þorgerðar Katrínar sé frekar slappur fyrir kostnaði vegna stjórnlagaþings. Lýðræðið kostar sitt, segir hún. Já vel athugað Þorgerður, en hvers vegna erum við þá að borga þér? Kostar þú ekki eitthvað? Eigum við kannski að reka þig til að fá 1 lækni á landspítalann? Endilega láttu mig vita ef þér líst á þetta.
mbl.is Brugðust þjóðinni
Tilkynna um óviðeigandi tengingu við frétt

Fyrir hverju gengur tölvan þín?

Mér langar að vita, fyrir hverju heldur fólk að rafmagnstæki ganga? Eða úr hverju bílanir þeirra eru gerðir? Kannski töfrum? Hver veit, en ég held að þau gangi fyrir rafmagni. Rafmagn er einmitt framleitt hér á landi án þess að brenna olíu, kol eða gas. Þetta er með þeim hreinustu orkugjöfum sem við getum nýtt okkur fyrir utan sólar- og vindorku.

Við þurfum rafmagn til að geta lifað á 21 öldinni og við þurfum ál til að geta komist til vinnuna, flogið til London eða jafnvel bara til að grilla kartöflur. Hvar eigum við að framleiða þetta ál? Kannski í Miðbaugs-Geníu, þar sem brennt yrði olía eða kol til að framleiða álið og myndi menga mun meira heldur en að gera það hér.

Við eigum að nýta þessa hreinu orku eins mikið og við getum og taka þar með þátt í því að minka mengun í heiminum. Hvernig þætti Hvergerðingum ef við myndum bara planta kannski einu stykki kolaveri í staðinn þarna til að framleiða rafmagn? Jú auðvitað myndi fólk mótmæla og myndi ég standa fremstur í flokki, en við erum að tala um hveralykt, ekki kolareyk. Það er ákveðinn fórnarkostnaður sem þarf að fylgja hreinni orku, og þetta er því miður einn af þeim, hveralykt. 

Stundum finnst mér eins og fólk sé umhverfissinnar í sínum eigin garði. Það má ekki skíta í okkar garð, en við megum skíta í alla hina garðana.

 

 


mbl.is NSS leggjast gegn áformum um Bitruvirkjun
Tilkynna um óviðeigandi tengingu við frétt

Óvirðing í garð lögreglumanna!

Undafarna daga hefur verið mikil umræða um viðbrögð lögreglunar vegna mótmælaaðgerða atvinnubílstjóra.

Ég hef tekið eftir því, sérstaklega hér á moggablogginu, hversi lítil sem engin virðing er borin fyrir hinu erfiða starfi að vera lögreglumaður. Fólk talar um þá eins og þetta séu vélmenni sem hlíða skipunum frá hinum illa Dr. Birni Bjarnasyni.

Varðandi aðgerðir lögreglunar, þá var lögreglan margbúinn að vara fólk við, og tilkynna þeim um að þetta væru ólöglegar aðgerðir. Atvinnubílstjórar ásamt ölvuðum framhaldsskólanemum sem hentu eggjum og grjóti í lögregluþjóna máttu alveg búast við þessum aðgerðum. Það er eins og fólk nái ekki því að það var verið að fremja lögbrot, og er markmið lögreglunar að halda uppi lögum og reglu.

Mótmæli og ofbeldi fara ekki saman. Hvað ef Gandhi hefði tekið upp á því í saltgöngunni að lemja af og til breska hermenn. Ég held að sú ganga hefði ekki verið löng. Gandhi náði árángri vegna þess að hann stundaði friðsamleg mótmæli. Ef Gandhi náði að gera Indland að sjálfstæðu ríki með friðsamlegum mótmælum þá ættu atvinnubílstjórar ekki að eiga erfitt með að ná sínum, sem eru aðeins minni.

Atvinnubílstjórar kvarta mikið undan því að Alþingi hlusti ekki á þá. En vandamálið er að það hlustar enginn á menn sem fremja lögbrot. Hvernig væri að byrja mómælin á því að skrifa um vandamálið og svo vinna sig áfram, ekki byrja á öfugum enda.

En svo er einmitt málið, hverju eru bílstjórar að mótmæla?

Jú, númer 1. Hátt eldsneytisverð

Því miður getur ríkisstjórnin gert lítið í því að heimsmarkaðsverð á olíu hafi hækkað svona mikið undanfarið ár. Skattalækkanir á eldsneyti er eitt af því sem atvinnubílstjórar vilja gera, en þá er það vandamálið. Skattar á eldsneyti eru settir á vegna þess að þeir sem kaupa bensín aka á vegum landsins, og þessir vegir eyðileggjast. Það þarf að viðhalda þessum vegum, og þá eru notaðir peningarnir úr bensínskattinum til að greiða þær viðgerðir og viðbætur á þjóðvegum landsins. Ef þessi skattur verði lækkaður eða afnuminn, hvar eiga peningarnir að koma þá?

Númer 2. Hvíldartíminn

Hvíldartímareglunar koma beint frá Evrópusambandinu, og þar sem við erum aðilar að EES þá tökum við upp nokkrar reglugerðir þaðan. Þessi regla er sett bæði atvinnubílstjórum og almenningi til varnaðar þar sem það er mjög hættulegt ef bílstjóri sofni við stýrið að sökum þreytu. Nú krefjast atvinnubílstjórar að í fyrsta skipti í sögu landsins eigum við að kalla saman EFTA dómstól og biðja um undanþágu á reglunni.

Númer 3. Þungaskattur

Atvinunbílstjórar vilja afnema þungaskattinn. Þá kemur annað vandamál. Við búum í ágætlega sanngjörnu samfélagi, þar sem þú berð ábyrgð á því sem þú gerir, og það er einmitt það sem þungaskatturinn gerir. Hann er notaður til að gera við vegi sem eyðileggjast að sökum þungra ökutækja.

Auðvitað er hægt að bæta margt, en að afnema allt gengur ekki. Ég er þó sammála að það mætti fjölga stöðum þar sem bílstjórar geti stoppað bíla sína og hugsanlega skruppið á klósettið, þetta gæti líka verið notað af almenningi og ferðamönnum um allt land.


Mótmæli og barsmíðar fara ekki saman!

Skemmtilegt var að sjá þegar mótmæli vörubílstjóra hófust að við Íslendingar gætum mótmælt almennilega. Fólk, jafnvel það sem varð fyrir töfum vegna aðgerða vörubílstjóra stóðu heilshugar bakvið þá. En svo kom vandamál, málstaðurinn sem þeir voru að mótmæla var ekki alveg á hreinu, þetta var bensínverð, hvíldartími og fleira. Það er ekki ríkisstjórninni að kenna að heimsmarkaðsverð á olíu hafi aldrei verið jafn hátt, og það sem margir átta sig ekki á varðandi hvíldartímareglur vörubílstjóra er að þetta eru reglur sem koma frá Evrópusambandinu og þar sem við erum aðilar að EES tökum við upp ansi margar reglugerðir þaðan. Nú varð illt í efni, vörubílstjórar voru að gelta á ranga menn, þeir áttu að gelta á þá einstaklinga sem bera ábyrgð á hækkun heimsmarkaðsverðs á oliu.

Róaðist nú allt niður í smá tíma, en þá kom sprengjan. Blóð lak við Rauðavatn. Vörubílstjórar ásamt nokkrum æstum og ölvuðum framhaldsskólanemum mótmæla. Lögreglan ákveður að fara eftir lögum landsins og stöðva mótmælin og koma reglu aftur á. Ekki ætla ég að deila um hversu hörð viðbrögð lögreglunar voru, en ég ætla þó að segja að lögreglunni ber að halda uppi lögum og reglu hér á landi og það voru þeir að gera. Við megum ekki gleyma að lögreglumenn eru í erfiðu starfi og finnst mér persónulega fólk ekki kunna meta starf þeirra. Þetta eru mennirnir sem halda mér og þér öruggum hér á landi. Ekki bætti grjót- og eggjakast, því lögreglumaður særðist.

Nú síðast í dag er ráðist á lögregluþjón þegar afhenda átti bílana, Sturla neitar að þekkja manninn en veit þó að maðurinn sé slæmur í hnéinu. Ekki nóg með að fólk beiti ofbeldi, þá eru menn að senda dómsmálaráðherra okkar hótunarbréf. Ég tel að öll samúð sem fólk hafði með þessum ágæta hóp manna sé farinn og vona ég að þeir fari nú að taka sig saman í andlitinu og fari að ræða þetta á málefnalegum grunni í stað þess að kasta hnefum.

Til að koma með dæmi um ómálefnaleg ummæli þá eru það ummæli Sturlu í fréttum RÚV þar sem hann segir: Þetta fólk niðrá þingi á að vinna vinnuna sína, það á að vinna fyrir mig og þig en ekki vera niðrí Afganistan eða einhverstaðar í rassgati.

Ég segi, hvernig væri að þig færuð að haga ykkur eins og menn en ekki börn, það á ekki að lemja lögregluþjóna.


mbl.is Sturla: „Ekki á okkar ábyrgð"
Tilkynna um óviðeigandi tengingu við frétt

Mikið er ég feginn að við séum með stranga stjórn á byssueign.

Ég er mjög feginn yfir þeim miklu reglugerðum sem til eru um byssueign hér á landi. Við eigum jafnvel að hafa þetta strangara en þetta er í dag. Ég sá einmitt Kompás, fréttaþátt stöðvar 2 sem fjallaði um byssueign hér á landi, blaðamenn á vegum þáttarins gátu keypt skammbyssu á svörtum markaði fyrir 200.000 krónur hér á Íslandi. Í ljósi allra þessara skotárása finnst mér að það ætti að fara yfir reglugerðinar og lögin sem varðar skotvopn hér á landi og gera þetta fullkomnasta kerfi í heiminum.
mbl.is 6 ungmenni skotin í Las Vegas
Tilkynna um óviðeigandi tengingu við frétt

« Fyrri síða | Næsta síða »

Um bloggið

Bjartmar Oddur Þ Alexandersson

Höfundur

Bjartmar Oddur Þ Alexandersson
Bjartmar Oddur Þ Alexandersson
Mars 2024
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Heimsóknir

Flettingar

  • Í dag (29.3.): 0
  • Sl. sólarhring:
  • Sl. viku:
  • Frá upphafi: 0

Annað

  • Innlit í dag: 0
  • Innlit sl. viku:
  • Gestir í dag: 0
  • IP-tölur í dag: 0

Uppfært á 3 mín. fresti.
Skýringar

Innskráning

Ath. Vinsamlegast kveikið á Javascript til að hefja innskráningu.

Hafðu samband