Tilitsleysi?

Þetta var hryllilegur atburður sem átti sér um daginn þegar ungur drengur lét lífið eftir að bíll keyrði á hann. Ég vill byrja á að votta fjöldskyldu drengsins mína samúð. Þetta er nefnilega ótrúlegt hvernig umræðan er varðandi hraðakstur og takmörkun aksturshraðans. Það er ákveðið fólk sem veit ekki að flest slys verða vegna hraðaksturs og telur að hraðakstur sé minniháttar mál og það sé pirrandi þegar lögreglan setur upp hraðamyndavélar til að mæla fólk keyrandi of hratt. Þetta er ekki erfitt, það eru hraðatakmarkanir til þess að forðast slys eins og þessi. Það er hraðamælir í öllum bílum og ætti því fólk auðveldlega að geta séð hvort það sé að keyra of hratt. Ég birti hér blogg áðan þar sem ég gagngrýndi mann sem keyrði of hratt og var náð mynd af honum. Hérna eru commentin sem ég fékk.

Komon! Hann var á 83. Það þarf að fara að gera eitthvað í öllum þessum myndavélum. Hefur sennilega verið á eðlilegum hraða þegar hann var myndaður fyrst og orðið skiljanlega fúll.
Það er verið að taka hundruðir manna á nokkrum km yfir hámarkshraða. Þetta er fáránlegt ástand.   Einar.

Æi taktu hausinn úr rassgatinu á þér. Jónas

Það er rétt Einar ástandið er fáránlegt. Fólk er sífellt að brjóta hraðatakmarkanir og þetta er því nauðsynleg aðgerð hjá lögreglunni til að minnka hraða á fólki. Myndir þú segja að þetta væri fáránlegt ef þessi sami bílstjóri hefði klesst á barn og það hefði látist? Nei við hefðum bölvað hraðanum. Þetta lýsir því tilitsleysi sem íslenskir ökumenn hafa orðspor á sér og þá þarf maður bara að minnast á slysið á heiðinni þegar bílstjórar voru æfa reiðir yfir því að þurfa bíða á meðan það var verið að koma slösuðu fólki burt úr bílflökunum. Ég held að við þurfum öll að fara líta í okkar eigin barm og fara að hugsa um hversu hratt við ökum, því það breytir því enginn nema við sjálf.

Hraðahindranir settar upp á Vesturgötu

Athugasemdir

[Björn (IP-tala skráð) 5.12.2007 kl. 23:10]

Athyglisvert hvers konar athugasemdir þú ert að fá Bjartmar. Reynslan hefur kennt mér að rökræða ekki við snillinga eins og Einar og Jónas.

[Baldvin Nielsen (IP-tala skráð) 6.12.2007 kl. 00:37]

Þar sem er 30 km hámarkshraði á vegakafla sem dæmi er hægt að keyra ökutæki á vítaverðum hraða þó að ökumaðurinn sé bara á 20 km hraða ef slys verður við þessar aðstæður  og tjón verður á fólki.  Ákvæði í umferðarlögunum er að finna að enginn hefur óskoraðan rétt í umferðinni. Þess vegna verðum við öll að standa vaktina að passa okkur sjálf þegar við erum í  umferðinni þar var, er og verða alltaf hættur um ókoma tíð  sem gera ekki boð á undan sér. Þess vegna er ábyrgðin svo mikil að vera ökumaður það er aðeins góð dómgreind ökumannsins þá hvernin hann metur aðstæður hverju sinni þegar ekið er. Það er besta umferðarljósið í umferðinni.

Baldvin Nielsen, Reykjanesbæ

[Inga Lára Helgadóttir, 6.12.2007 kl. 02:01]

Takk fyrir bloggið, alveg ótrúlegt að einhver skuli hafa getað mótmælt þér. En ég bloggaði einnig um hraðakstur, hraðahindranir og einnig um of hraðan akstur á bílastæðum, sem mér finnst sjálfri hafa færst í aukana.

Kveðja,

Inga Lára  

[Þorsteinn (IP-tala skráð) 6.12.2007 kl. 04:17]

Þessar himinháu sektir bitna hvað mest á fólki sem hegðar sér eðlilega í umferðinni. T.d. að fá alveg stjarnfræðilega upphæð í sekt fyrir að vera á 96km hraða þar sem hámarkshraði er 90km hraði? Mér finnst samt allt í lagi að hafa háar sektir fyrir þá sem eru langt-langt yfir hámarkshraða.

Það er  <b>EKKI</b> samasem merki á milli hraðaksturs og ofsaaksturs. Það er hægt að keyra á 100-110 km hraða á þjóðvegum landsins og verið nokkuð öruggur, en það er líka hægt að keyra þar á 90km hraða og verið alveg gjörsamlega úti að skíta. Áður en þið ráðist á mig með fúkyrðum og uppnefningum um að ég sé ökuníðingur og vitleysingur þá vil ég benda á að ég hef ekki fengið sekt í þónokkur ár, og þá á 103km hraða þar sem 90km hraði var hámarkshraði og það setti mann næstum því á hausinn, finnst ykkur það eðlilegt? Á maður að þurfa að STARA á hraðamælinn allan tímann sem maður er að keyra?

[Bjartmar Oddur Þ Alexandersson, 6.12.2007 kl. 04:28]

Þakka þér fyrir commentið Þorsteinn

Fólk fær ekki himinháa sekt fyrir að keyra á 96km hraða. Það eru 4 kílómetra skekkjumörk á mælum lögreglunar þannig að þú yrðir sektaður um rúmlega 5.000 krónu. Þú færð svo afslátt sem ef þú borgar snemma. Mér finnst þetta ekki það slæmt, því þó þú sért á aðeins 6 kílómetra hraða yfir hámarkshraða, þá ertu að brjóta reglur. Það væri gaman að geta beygt allar reglur og öll lög eins og margir vilja beygja umferðarlögin. Þjófur sem stelur Snickers úr verlsun á að sleppa afþví þetta kostar bara 100 krónu, dópsalinn á að sleppa af því að hann seldi bara hálft gramm. Þetta snýst ekki um að við almenningur metum hvað sé rétta viðmiðið heldur bara hver er hámarkshraðinn.

[Þorsteinn (IP-tala skráð) 6.12.2007 kl. 12:32]

Sæll aftur

Ég spjallaði við lögregluþjón á MSN þegar sektir hækkuðu síðast og spurði hvað honum fannst um þetta og hann sagði sjálfur að þessar hækkanir bitnuðu mest á fólki sem hegðar sér eðlilega í umferðinni. Ég get sagt þér það að mér líður ekki mjög vel undir stýri þegar ég þarf að horfa meira(bókstaflega) á hraðamælinn frekar en veginn. Það er ekki bara ekki hægt að halda NÁKVÆMLEGA 90km hraða hvert sem maður er að fara, það eru ekki allir það efnaðir/heppnir að eiga bíl með cruise control. Maður brýtur lög þegar maður er á 91km hraða,  á maður ekki að fá sekt þá líka?

 Og svo er bara ekki hægt að hafa almennilega vegi hérna á Íslandi, í stað þess að búa til góðan veg eru sektir hækkaðar fáránlega mikið. Hvað segir það okkur þegar slys verða á sama stað aftur og aftur og aftur?

[Bjartmar Oddur Þ Alexandersson, 6.12.2007 kl. 14:26]

Sæll aftur Þorsteinn

Þú hefur það svigrúm að vera 9 kílómetrum yfir hámarkshraða án þess að fá sekt, þannig ég skil ekki hvernig sektir geti haft áhrif á fólk sem keyrir eðlilega í umferðinni. Ef einstaklingur fer yfir 99 kílómetra hraða á 90 kílómetra svæði þá er hann er að keyra refsivert.

[Jón Anon (IP-tala skráð) 11.12.2007 kl. 18:43]

Bjartmar,

Það er mikill munur á bílstjóra sem fylgist lítið með mælinum og keyrir á 96 km/h og bílstjóra sem stöðugt er með augun á mælinum og keyrir á 90 km/h.  Sá sem er á 96 km/h er mun meira vakandi fyrir hættum á veginum en sá sem horfir bara á mælinn.